Par furlan.

Cheste plante, ungrum ordenarie, ‘e jè presìnt sedi tal plan che in mont. De specie des jerbaceis, la Bardana ‘e à la radîs grîse cu la mèule blancje e spugnôse.

Il so fust al è dret e al puarte ramis slargjadis cui dapîz indurîz e di colôr rossìt. La plante, ch’e po’ rivâ fintremai a une altece di un metri e mieç, ‘e cuiste la presince di un arbusît.

Lis fueis invessit, a forme di cûr, a’ àn la bordure apene dentelade e si proferissin di colôr vert. Il Lavaç di lacàis, ch’al sflorìs dilunc l’istât, al à rosis piçulis di colôr ros-viole che si tìrin adun in grops.

Ognidun di chesc’ grops al puarte scais duris e giradis, che si tàchin tal pêl dai nemâi a passon, di mût che la semence ‘e va a colâ lontan de plante mari. De Bardane in speziarie si dopre la radîs e lis fueis, che dutcâs a’ àn di jessi simpri frescjis.

‘E jè unevore valent par vuarî lis malatiis de piel, ma ‘e zôve ancje come depuratîf.

In italiano.

Questa pianta, alquanto diffusa, è presente sia in pianura che in montagna. Appartenente alla specie delle erbacee, la Bardana ha la radice grigia con l’interno bianco e spugnoso.

Il suo fusto è dritto e i rami si allargano con le basi dure di colore rossiccio. La pianta, che può arrivare fino a un’altezza di un metro e mezzo, acquista la figura di un arbusto.

Le foglie invece, a forma di cuore, hanno il bordo leggermente dentellato e si presentano di colore verde. La Bardana, che fiorisce durante l’estate, ha fiori piccoli di colore rosa-viola che si radunano in gruppo.

Ogni gruppo è formato da scaglie dure e capovolte, che si attaccano al pelo degli animali al pascolo, in questo modo, il seme va a cadere lontano dalla pianta madre. Della Bardana, in erboristeria, si usano le radici e le foglie, che in ogni caso devono essere sempre fresche.

È molto utile per guarire le malattie della pelle, ma è efficace anche come depurativo.