Om di glesie.

Martas ai 3 di avrîl dal 1077 a nasseve la Patrie dal Friûl. Ogni martas cuindi i fevelarìn di un personaç ilustri da zone dal alt Friûl. Par cjacarâ di Pietro Antoniutti si sin fats judâ ancje dal Dizionari Biografic dai furlans “Liruti”, dulà che la vôs di chest gleseastic è stade scrite di Mario D’Angelo.

Antoniutti l’è nasût a San Denêl ai 16 di novembar dal 1732. Al à fat li scuelis dai jesuits a Gurise dulà c’al à scuviergût il so talent pas lenghis.
Al à studiât francês, todesc, inglês, latin e grêc. Deventât predi al è lât a Constantinopul come confesôr, e simpri lì al à tradusût dall’inglês “Istoria dell’Inghilterra” di Hume. Al à tradusût une vore, soredut dall’ingles; cuasi cincuante volumps ca contavin la storie da l’Inghiltere, la storie dai regnants e la storie da filosofie inglêse.
Antoniutti al è stât il prin a fâ cognossi in Italie l’ “Inno a Cerere” di Omero, stampât a Padue tal 1784.
Al è stât capelan prime di Lodovico Manin e daspò, dal 1793, predi a Vignesie fin a sô muart.