Fotograf di Buje.

Martas ai 3 di avrîl dal 1077 a nasseve la Patrie dal Friûl. Ogni martas cuindi i fevelarìn di un personaç ilustri da zone dal alt Friûl. Par cjacarâ di Tarcisio Baldassi si sin fats judâ ancje dal Dizionari Biografic dai furlans “Liruti”, dulà che la vôs di Baldassi è stade scrite di Antonio Guisa.

Baldassi l’è nasût a Buje tal 1899. A cutuardis ains l’è emigrât prime a Graz, cun sô sûr, daspò in Romanie. Dopo la prime vuere mondiâl l’è emigrât in France, dulà ch’al à lavorât int une fabriche di scarpis. Tornât tal so paîs, a Ursinis al à tacât a fotografâ. Al à fotografât il Friûl e la sô int, il lavôr tai cjamps, i rapuars di famê lis musis da int. L’è stât colaboratôr par “La Panarie”, “Le Tre Venezie” e “Friuli nel mondo”. L’à esponût lis sôs fotografîs in une vore di mostris cjapant ancje la medae d’aur par il concors “Fotocolor” da Societât Fotografiche Subalpine. I fîs Antonia, Daria e Alvio lu an judât ta sô opare e il fî l’à continuât diretamentri l’opare stese dal pari.
L’è muart a San Denêl tal 1997.